الرفيق

[الشاهين]

الاخوان اعضاء و زوار منتدى مدماك اسعد الله اوقاتكم بكل خير وارجو ان تتقبلو مشاركتي الاولى والله يحفظكم

ما حلا جمر الغضى لاجبت بنّـي والـدلال=في طرف وسميّةٍ والعشـب كـاسٍ خدّهـا
في طرف وسميّةٍ لا هبّ نسناس الشمـال=تنعش اللي ضيقتـه دايـم توصّـل حدّهـا
غاشيتها رحمةٍ من ربنـا منـش الخيـال=لين رويت من مطر ربـي وذعـذع نَدّهـا
في طرفها مامعي ألا عزبتي وابن الرجـال=الرفيق اللي ليـا جـات اللـوازم سَدّهـا
الرفيق اللـي يميّـز بالدقـاق وبالجـلال=من سلايل لابـةٍ تعـرف ويعـر جَدّهـا
صاملٍ صادق يرز العز في روس الجبـال=يعرف مزوح الأوادم قبـل يعـرف جِدّهـا
رفقته هي منوتي لا من ضل الوقـت مـال=واختلـف ظنـي بخـلانٍ تزيّـف ودهـا
المراجـل للنشامـا والأشــدة لجـمـال=والرجال أنـواع والأيـام تكشـف سَدهـا
كم رفيقٍ بالرخاء يسوا مداغيـش العيـال=وفالشدايـد والله إن الشـاة ماهـو قدّهـا
وكم رفيقٍ بالحكا يشبه كريميـن السبـال=وبالفعول المرجلة ما يرتوي مـن عدهـا
وكم رفيقٍ يدّعي بالصدق لا مـرّ المجـال=وكل ما أقفا صاحبه سلّ السيوف وحَدّهـا
وكم رفيق وكم رفيق وليه ابا أعيد السوال=كم رفيقٍ لا بنا الرفقـة رجـع ثـم هدّهـا
ما يبيّن لك مدى الرجّـال لا دار الجـدال=غير ثنتينٍ وابـن جـدلان قبلـي عدّهـا
كان طالت طرقتك والا المرض واياك طـال=والله إن تعرف من اللي حاجتـك يرتدهـا
مير ياهل العرف واهل العقل ذربين الفعال=يالرجال اللـي مـع الوافيـن وافٍ مَدّهـا
بيعوا الانذال وسط السوق لو ابدون مـال=لو يزيد الرجل من جيبـه لاعـاد ايردهـا
واشتروا راع الوفاء والمرجلة وابن الرجال=الرفيق اللي ليـا جـات اللـوازم سّدهـا

وســـلامـــتــــكــــم ii،،،،،

[hajaus]

الشاهين (الرفيق)
السلام عليكم ورحمة الله وبركاته
تتمكن من دواخلنا الحروف الصادقة .. تتملك احاسيسنا . فلا نقراء بل نعيش الحدث وانت اخي مما ركب الحروف وصاغها بما هي رغبته وطوعها له غصب ونضم منها ما تحس به نفسه وابدع في وصفة كيف لا وهو ابلغ باسمه(الشاهين) اهلا بك ويسعدنا تواجدك وارجو تواصلك معنا .... ارحب.....


كم رفيقٍ بالرخاء يسـوا مداغيـش العيـال=وفالشدايـد والله إن الشـاة ماهـو قـدّهـا
وكم رفيقٍ بالحكا يشبـه كريميـن السبـال=وبالفعول المرجلة ما يرتـوي مـن عدهـا
وكم رفيقٍ يدّعي بالصدق لا مـرّ المجـال=وكل ما أقفا صاحبه سلّ السيـوف وحَدّهـا
وكم رفيق وكم رفيق وليه ابا أعيد السـوال=كم رفيقٍ لا بنا الرفقـة رجـع ثـم هدّهـا


........................................
اسمحي لي ان ارحب فيك هنا واطلب منك ان تطرح موضوع في منتدى التعارف والتهاني حت نرحب فيك على طريقة اعضاء مدماك..مرحبا باللي وصف

[الشاهين]

الاخ hajaus
اشكرك على المرور والاشادة وان دل هذا على شيء فانما يدل على ذوقك الرفيع
وصدق المشاعر وجمال الترحيب فتقبل مني خالص التحية والتقدير ولاعدمنا مثلك وشرواك يا الغالي
اما بخصوص القصيده فهي منقوله ولست بشاعر وانما انا متذوق للشعر واحببت المشاركه وهي
للشاعر عبدالله الهاجري

[الوحيد]

الشاهين

صح لسانك ولسان شاعرها
ابيات في غاية الروعه والعذوبه
ابحرت بي في شواطيء شجون الليل
تسلم اناملك على هذه النقله الرائعه
التي تدل على ذوقك الاروع
تقبل تحياتي لك
ولاععدمت تواجدك

[الشاهين]

الاخ الوحيد اشكرك على المرور ولا عدمناك يا الغالي واسعدتني با الاطراء

[بيادرالخير]

رفقته هي منوتي لا من ضل الوقت مـال=واختلـف ظنـي بخـلانٍ تزيّـف ودهــا
المراجـل للنشامـا والأشــدة للجـمـال=والرجال أنـواع والأيـام تكشـف سَدهـا
كم رفيقٍ بالرخاء يسـوا مداغيـش العيـال=وفالشدايـد والله إن الشـاة ماهـو قـدّهـا
وكم رفيقٍ بالحكا يشبـه كريميـن السبـال=وبالفعول المرجلة ما يرتـوي مـن عدهـا
وكم رفيقٍ يدّعي بالصدق لا مـرّ المجـال=وكل ما أقفا صاحبه سلّ السيـوف وحَدّهـا
وكم رفيق وكم رفيق وليه ابا أعيد السـوال=كم رفيقٍ لا بنا الرفقـة رجـع ثـم هدّهـا
ما يبيّن لك مدى الرجّـال لا دار الجـدال=غير ثنتيـنٍ وابـن جـدلان قبلـي عدّهـا
كان طالت طرقتك والا المرض واياك طال=والله إن تعرف من اللي حاجتـك يرتدهـا
مير ياهل العرف واهل العقل ذربين الفعال=يالرجال اللـي مـع الوافيـن وافٍ مَدّهـا
بيعوا الانذال وسط السوق لو ابـدون مـال=لو يزيد الرجل من جيبـه لاعـاد ايردهـا
واشتروا راع الوفاء والمرجلة وابن الرجال=الرفيق اللـي ليـا جـات اللـوازم سّدهـا


أشكرك على هذا النقل الأكثر من رائع ممايدل على ذوقك الرفيع